أضحك..... كركر

موضوع: أضحك..... كركر 26/2/2012, 2:16 am

[ندعوك للتسجيل في المنتدى أو التعريف بنفسك لمعاينة هذه الصورة]

أحلى نكت جديدة ، و اجمد نكت بجد

* واحد صعيدي سمع عن الموبايل قال لأبوه عايزك تشتريلي موبايل يابوي.. أشتريلك بشرط .. انك تركب اخواتك معاك .
* ليه الصعيدى لما بينام بيحط منبهين جانبه .. علشان لما منبه يضرب التانى يحوش .
* في واحد عايز ينتحر رمى نفسه قدام عربيه زعق عليه صاحب العربيه بتعمل كدا ليه رد عليه عايز انتحر قال طيب ماتطلع اي عماره وتنط قال ياسلاااام عايزني امووت .
* ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه بيقولوله : المنشار ، المنشار ، المنشار قالهم بايظ مايشتغلش .
* فيه وحده غبية حبت تفرح جوزها ليلة زواجها قالت له :انا حامل .
* واحدة عجوزة بتسبح في حمام السباحه، وكان في برق بالسما، فقالت: لا حول ولا قوة الا بالله! مفيش امان بدأوا الشباب يصوروا.
* بخيل واقف فى البلكونة… ابنه جاى من بعيد يقول له بابا بابا بابا … قاله: يا ابن الكلب بابا واحده كفاية.

* في وحده حلمت ان محشش بيجري وراها قالت له :انت بتجري ورايا ليه قال: انت عبيطة يا بت ده حلمك انتي .
* دكتور شغل اغاني للمجانين، الكل رقص ماعدا واحد، ساله الدكتور ليه مش بترقص معاهم قال: اسكت اسكت انا العريس.
* فيه حاجة سودة بتمشي على الحيطة وتقول : مياووو…ايه ده ؟؟؟ غراب يستهبل .
* مرة واحد خليجي عرف ان الجلد موضة مشي عريان .* خليجي راح يتمشى جابوه من ع الحدود .
* ديك بيعاير فرخو ويقولها مسكينة دايما بياخدوا البيض بتاعك..قالت له اسكت بس ياللي بتأذن وما بتصليش .

* طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط .
* محشش قاعد يشوف مباراة ريال مدريد .. سمع المذيع يقول فاول لصالح رونالدو .. قال : تصدقوا اول مرة اعرف ان اسم رونالدو الاول صالح .
* واحد مات .. وفي جنازته كانت مراته بتضحك !! ولما سألوها عن السبب ، قالت : عشان دي أول مره أعرف جوزي رايح فين .

* في واحد عربجي راح يجيب العلاج لابوه راح ورجع لقي ابوه ميت قال إه إه دانتا ندل

* عجوز كارهة نفسها مرة وقعت قالت أحسن تستاهلي .

* مدرس اتزوج مدرسة كتبوا الكتاب في السبورة

* مرة واحد كهربائى راح علشان يصلح سلك راح لقاه عريان فراح اتكسف منه .

* ظابط مرور خلف واحد يتكلم بالاشارة .

* مرة مسكوا لمبة تحري .. لية مسكوها ماشية مع سلك عريان .

* مرة واحد سباك راح فرح نقط بجلدة .

* مرة اتنين راحو يحلقو واحد حلق والتانى غويشة .

* مدرس كيمياء رزق بولد …. فسماه سامي أكسيد الكربون .

* مرة واحد قال لسواق تاكسى نادى الشمس قاله ماتندها انت . * مرة واحد اهوجى اشترى تلفزيون ماركة توشيشا . * كمسري أبوه مات ماشى في الجنازة يقول يا حضرات الجنازة فاضية قدام * مرة واحد مصوراتي طلعله عفريت حمضه . * اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا . * كمسرى راح يتجوز لقى المهر ناقص كتب الباقى على ضهر التذكرة .

* بياع جرايد ابوه مات مشى فى الجنازة يقول اقرا الفاتحة .

* مره واحد لبان أشترى عمارة (ملك) مراته راحت تلم القشطة من علي السطح .

* قهوجى خلف ولد من غير وش .

* طبيب تزوج طبيبه خلفوا عيل زى الحقنه .

* سألوا امريكى ايه اسرع شئ فى الكون؟
قال التفكير وسألو الفرنسى قال الضوء .
وسألو الصعيدى قال
الاسهال ولا تلحق تفكر ولاتلحق تولع النور
*مره واحد دخل مطعم طلب اكل ومعهش فلوس وكان طالب ملوخيه فطلع فار وحطوه فى الملوخيه بعد مااكل وزعق وقال ايه ده فار فى الملوخيه انا عايز المدير جابوله المدير فقاله المدير لوسمحت بلاش كده علشان سمعه المحل واداه فلوس فواحد قاعد وراه شافه فقاله ادينى فار علشان اعمل زيك قال والله ممعاييش غير خنفسه هشرب بيها كوبايه شاى
*فيه واحده كل ماتيجى تكلم ابنها تقوله انت ابنى الى رضعته كل يوم على هذا الحال اخر ما زهق راح اشترى كرتونه لبن وقالها خدى كدا ملكيش عندى حاجه
[ندعوك للتسجيل في المنتدى أو التعريف بنفسك لمعاينة هذه الصورة]::[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: أضحك..... كركر 26/2/2012, 5:04 pm

center] : ههههههههه جميل جداااا أضحك..... كركر 324592

[/center]