يا رب اصبح و ابات على دينى
يا رب تهدينى
فقير تغنينى
تغنينى من غناك و رضاك
يا عالى فى سماك
يا حاكم من بلا سلطان
ماليش حيلة و لا قوة الا بيك
تغنينى و ترضينى عن سؤل الناس
يا اللى قامت نجومك
نامت عيون الناس
و لا نامت عيونك
احط جنبة اليمين اتكلت على ملاك ميخائيل
احط جنبى الشمال اتكلت على الملاك غبريال
احط راسى اتكلت على خلاصى
احط ضهرى اتكلت على ربى
المناولة تشفينى و يسوع يشفينى
ربى رب العطية اغفرلى ذنبى و الخطية
انت يا رب حنين
يا رب تبارك و كل ما فيا يبارك ربى القدوس
بارك شعبك جمعيا ولاد المعمودية
كبيرهم و صغيرهم
العيانين تشفيهم و الحزانى تعزيهم
انت رب الايتام و زوج للارامل تعينهم
الشكر و المجد كرامة ليك على الدوام
لما اطلب شفاعتك و رفعك على عود الصليب
و شفاعة الست ام النور العدرا مريم
و شفاعة الشهداء و القديسين
و البابا شنودة سيدنا الثالث اسندة
يا رب بارك ابونا شنودة و اجعلنا مستحقين