هل فى فرق بين اجيوس و إكؤواب ؟

احب اقول تأمل بسيط ..عن ليه ابونا بيستعمل اجيوس /agioc/..فى القداس ..وبعد كده بيستعمل لفظة إكؤواب /ekouab./....الحقيقة اللفظتين يترجمان فى اللغة العربية .." قدوس " ...الاولى " اجيوس" دى يونانية ..والثانية "إكؤواب" دى قبطية الاصل ..

اولا : الكنيسة بتستعمل اليونانى ....اشارة الى ان الكنيسة كنيسة جامعة .."يشبه ملكوت السموات شبكة مطروحة فى البحر جامعة من كل نوع....."..وملكوت السموات هنا هو الكنيسة لانها هى مملكة الله التى فيها يملك على قلوب البشر ..الى ان يضمها الى المملكة السمائية الممجدة.

ثانيا: بالبحث المتأنى تجدوا حضراتكم ان كلمة "إجيوس" /agioc/ صحيح فى اللغة العربية معناها "قدوس" ..بس لاحظوا ان "أ" فى كلمة "أجيوس" معناها بالعربى =( ليس او غير) ، و المقطع "جيـ" معناه بالعربى " أرض" ..( جيوس) معناها بالعربى " أرضى"

نستنتج ان " أجيوس" = معناها " غير ارضى / سمائى " ..فهذه الكلمة تعلن عن يسوع القدوس بالطبيعة والحق ...انه المسيح الرب من السماء ..زى ما بنقول فى لحن التمجيد اجيوس يستين ...بنقول "إيسوس إن إيبورانيون" = " يسوع السمائى" ..واحنا بناخد من المسيح هذه النعمة ..لان لما بننزل فى جرن المعمودية ...بنلبس المسيح السمائى..فبنبقى مقدسين من هذه الجهة "لان كلكم الذين اعتمدتم للمسيح قد لبستم المسيح" و " البسوا الرب يسوع.." زى ما بيقول الكتاب.

+ أما كلمة "إكؤواب" /ekouab./..قبطية الاصل وبالعربى معناها قدوس ...بس نحللها ونشوفها سويا ..إك = أنت ، و " أوواب" معناها " طاهر الذيل" او " برىء" او " بلا خطية " ..ودى ظهرت فى شخص ربنا يسوع المسيح لما عاش وسطينا وعرفناه حمل بلا عيب ..قدوس بلا دنس (لم يفعل خطية ولا وجد فى فمه مكر)..ودى عندنا احنا مطلوبة مننا ان نكون قديسين اى نسلك حسب الروح ....

الخلاصة : 1- المسيح له كل المجد قدوس agioc من حيث الطبيعة ...سمائى (ونحن ننهل من هذه القداسة ..بالنعمة فى المعمودية ..والميرون والتناول)

2- المسيح له كل المجد قدوس /ekouab / ايضا من حيث الافعال والسلوكيات ..حين تجسد ...وتحدى الكون كله وقال " من منكم يبكتنى على خطية" ..ومطلوب مننا احنا ان نجاهد ..علشان نصون النعمة اللى اخدناها بالمعمودية ..ونقف ضد الخطية حتى الدم . ..

..صلوا من اجلى