معجزة عجينه العذراء
+++++++++++++++
عجينه السيدة العذراء !!!!!
يحكى شخص:
امبارح لما روحت البيت لاقيت أمى بتقولى احنا عندنا عجينه الست العدرا ؟ ! ؟
ايه يا ماما عجينه العدرا ... قالتلى اقرا الورقه دى وانت تفهم القصه
لاقيت قطعه من العجين بداخل كيس .. وموجود معاها ورقه بتحكى عن معجزة حصلت لسيدة تقيم فى أيطاليا
أنها كانت مريضه بمرض يعجزها عن الحركه تماما .. وكانت لها طفله صغيرة طلبت من والدتها ان تصنع لها كيكه فعجزت السيدة عن تلبيه طلب أبنتها فماكان بيدها الا ان تتطلب من السيدة العذراء المعونه
فظهرت لها السيدة العذراء وصنعت لها عجينا وقالت لها ان هذا العجين سيأكل منه العالم كله وأمرتها ان تقسم العجينه الى اربعه اجزاء تأخذ هى جزء تصنع من الكيكه لآبنتها وتوزع الثلاثه اجزاء الى اشخاص يقومون بتقسمه كل جزء الى اربعه اجزء يأخذ كل منهم جزء ويقوم بتوزيع الثلاثه اجزاء الباقين على أخرين .. وهكذا !!!!
وبالطريقه دى العجينه هتوصل لناس كتير قوى
( وبصراحه احنا مش بنتوصى فى الامور دى )
وطبعا مكتوب طريقه صنع العجينه فى الورقه
بصراحه انا مقتنعتش بالقصه دى واعتبرتها خرافات
لكن كان فى جانب واحد فقط هو اللى كان مصدر للشك !
العجينه دى قعدت عند شخص انا اثق من كلامه جدا جدا جدا
اكتر من شهر خارج الثلاجه ولم يصيبها اى فساد
( مع العلم بعدم وجود خميرة فى مكونات العجين )
انا قولت ان العدرا مش محتاجين عجينه علشان نعرف قيمتها جوانا فالعدرا لها مكانه خاصه بداخل اى شخص
لكن اتأكدت من عدم صحه هذا الكلام من رد قداسه البابا شنودة
وبركه ام النور تكون معانا
بركة وشفاعة ام النور الطاهره البتول
تكون معانا امين
صلوا من اجلي
مرمر البراموسي
